عندما تضيق الامور..او تتسع...عندما افرح لشىء ما..احزن..يحدث لى اى شىء فى الدنيا...تنتابنى رغبه فى الكلام و"الحكى" والمناقشه ....رغبه ملحه ..مثل الرغبه فى الاكل والشرب بالظبط بعد يوم حار فى رمضان
كانت الامور تمر بسلام ..لم تلح على هذه الرغبه الانسانيه منذ وقت غير قريب..او كانت تلح ولم اكن اهتم بها ..
الى ان فكرت فى الامر قليلا....واكتشفت فجأة...عندما بحثت فى دفتر علاقاتى الانسانيه مع البشر..انى بجد مليش اصدقاء بالمعنى الحرفى للكلمه...كلها علاقات عابره طالت او قصرت مرتبطه بمكان او زمان تزول بزواله مع حبى ليهم....لكن معنديش صديق بجد ..بالشكل اللى يرضينى...
واكتشفت برضه فجأه ان اخر حد كنت بعتبره صديقى بجد وكنت شايف فيه انه صاحبى جدا (على الاقل بالنسبالى) انتهت علاقتنا من سنه ونص تقريبا لاسباب كتير
واكتشفت برضه ان الجمله اللى كان كاتبها عمر طاهر عالفيس بوك "من النهارده مفيش صحاب .......انا الصحاب" ...وانا كتبتها فى ال statue بتاعى على سبيل الهزار وقتها..بقت فعلا بتنطبق عليا... وبقيت انا فعلا الصحاب ومبقاش ليا صحاب غير نفسى
لان ده (اللى هو انا يعنى )صاحبى الوحيد اللى كان موجود معايا حتى فى وقت ما كان ليا صحاب بجد...دلوقتى...هو اللى فضل بعد ما الصحاب كلها اتفرقت
...بيكلمنى ..واكلمه ..اخاصمه ...اهزر معاه..ازعل منه...نتعارك...نتصالح...بس اكيد دماغه زى دماغى ..بيحبنى ..بيفكر زيي...له نفس مخاوفى وتناقضى وحيرتى ...بنحل مشاكلنا مع بعض
ها.....حتفضل كده كتير.........مش لاقى حد شبهك..بتحبوا نفس لحاجات..بتختلفو بس تفكيركوا واحد
نفسى....بس مهما لاقيت اصحاب حقيقيين...برضه مش حتخلى عن صاحبى اللى بجد (اللى هو نفسى) وحفضل اعتبره احسن صاحب ليا فى الدنيا..
هناك 5 تعليقات:
حاسس بيك والله يا عم مرعى ... يمكن عشان انا فاهم انت بتتكلم عن مين .. ..بس اسمحلى اختلف معاك ....
مع احترامى الشديد ليك فانت لحد دلوقتى ما تعرفش مين هوة الصاحب...... او انت من الاول ما اجدتش الاختيار يا حاج مرعى .....للاسف ساعات كتير بنفتكر ان فيه معانى عندنا ... وبعدين بتحصل حاجة .. نكتشف ان المعنى ماكانش عندنا خااالص ....الصاحب دة حاجة تانية خاللص يا حاج مرعى ..... اعرف صديق لى بكى واجهش البكاء اما خرجت من امتحان الفرنساوى باعيط ... بكى لبكائى ... اعرف صديق بيقول لصديقه ان هو بيذاكر- وهو ما بيذاكرش -عشان عزيمة صاحبه ما تهبطش
انه الامتزاج يا مرعى ... حين تمتزج الروحان... ثم تتفرق .... فتصير روحان فى جسد
انت لم تجد الاختيار يا مرعى .. دور كويس حواليك... حتلاقيه
وعلى رأى منير:
فى دايرة الرحلا
تدور بنا تحلى
ايا حبيب عمرى
وصحبتى وقمرى
إخص عليك يا بتاع الكلمة .. بقي يهون عليك البيض و البسطرمة .. !
بص يا عم مرعي، مفيش حد صاحبه الوحيد هو نفسه .. دي كده تبقي ذاتية (التوحد سابقًا) بعيد الشر عنك يعني ..
يمكن أنت بتدور علي حاجة أو حاجات في صحابك و لما ما بتلاقيهاش تقول لأ .. دول مش صحابي، مع إنك لو دورت كويس حتلاقي كتير ..
ما بقولش إن انت غلطان في اختيار صحابك .. بس ممكن تكون معاييرك مختلفة شوية، و ده مش المفروض يخليك تقول إنه "من النهارده مفيش أصحاب .. أنا الصحاب" .. واخد بالك
رمضان....انا مش بتكلم على حد معين اوى بس ممكن صح انا مااختارتش صح
عبد الرحمن......واخد بالى بس فعلا انا بدور على حاجات معينه وحتى لو توحد او ذاتيه اعتقد شغاله برضه مش مهم المسمى D:
انت رقيق زيادة شوية عن بقية البشر بس بجد عمرك ما لقيت حد شبهك ؟
انا لقيت مرة بس خايف يضيع مني .
انا معاك صعب آوي تلاقي حد شبهك بس بجد هتلاقي في يوم وساعتها قوله انت شبهي اوعى تسيبني لاني محتاج لحد شبهي .
ممكن نطلع شبه بعض تتخيل ممكن؟
شركة تنظيف شقق بالمدينة المنورة
اقوي بقع المفروشات و السجاد لا تقوي عليها المنظفات العادية فقط
استعن بشركة فرسان الخليج شركة تنظيف شقق بالمدينة المنورة تقدم خدمة
غسيل سجاد بالمدينة المنورة , تنظيف كنب , تنظيف مفروشات بالمدينة المنورة
علي اعلي مستوي من الجودة و الامكانيات العالية من احدث اجهزة البخار و افضل
المنظفات المخصصة للمفروشات
بادروا بالحصول علي افضل عروض الاسعار علي غسيل سجاد بالمدينة المنورة
مع شركة فرسان الخليج
اتصلوا بنا
0553061333
غسيل سجاد بالمدينة المنورة
http://www.forsan-elkhaleg.com/17/Cleaning-company-in-Madinah
إرسال تعليق