بتفكرينى بالشروق
بالشمس طالعه تطرد الاحزان
ونورها الدهبى
بيخبط على الشبابيك
جمالها يبان
شرقت عنيكى فى سكتى
جمال الفرحه فى عنيّا اتولد
وقفلتى على خوفى البيبان
يا طعم الضل
وسط الصحرا فى اغسطس
يا لون الارض
بعد المطره فى يناير
هُداكى طل على قلبى اللى كان حاير
لقاكى كل شىء فى الكون
بقى يشوفك..
براءة ف ضحكة الاطفال
وحريه ف جناح طاير
وفرحه كبيره فى عيون ام
رجعوا ولادها مالغربه
بقى يشوفك..
دفا ف الحُضن بين الجد واحفادُه
طيابة جوّه عين مصرى
ووقت الشده فى عنادُه
سَكَنتى كل شىء فيّا
حروف اسمك
بقت محفوره فى ملامحى
وزى الوشم على قلبى..مايتشالشى
رسمت ملامحك الصافيه
و كانت نور
بيمحى عتمة الغربة
بنظرة عينك الدافيه
ده قبلك قلبى كان بهتان
ك كل الدنيا فى عنيّا
ما بهتانه...
لوحدك بس بالالوان !
بالشمس طالعه تطرد الاحزان
ونورها الدهبى
بيخبط على الشبابيك
جمالها يبان
شرقت عنيكى فى سكتى
جمال الفرحه فى عنيّا اتولد
وقفلتى على خوفى البيبان
يا طعم الضل
وسط الصحرا فى اغسطس
يا لون الارض
بعد المطره فى يناير
هُداكى طل على قلبى اللى كان حاير
لقاكى كل شىء فى الكون
بقى يشوفك..
براءة ف ضحكة الاطفال
وحريه ف جناح طاير
وفرحه كبيره فى عيون ام
رجعوا ولادها مالغربه
بقى يشوفك..
دفا ف الحُضن بين الجد واحفادُه
طيابة جوّه عين مصرى
ووقت الشده فى عنادُه
سَكَنتى كل شىء فيّا
حروف اسمك
بقت محفوره فى ملامحى
وزى الوشم على قلبى..مايتشالشى
رسمت ملامحك الصافيه
و كانت نور
بيمحى عتمة الغربة
بنظرة عينك الدافيه
ده قبلك قلبى كان بهتان
ك كل الدنيا فى عنيّا
ما بهتانه...
لوحدك بس بالالوان !
mar3i
هناك 9 تعليقات:
goooooooo on mar3y 7lwa awiiiiiiiiiiiiiii
جميلة اوى يامحمد
جميلة اوى يامحمد
رقيقة و جميلة ..
استمر يا فتى، و ابقى خلينا نشوفك ؛)
غير معرف
شكراا جدا
شيماء
ميرسى ربنا يخليكى
الدائخ
واحشنى والله جداا
وشكرا بجد على كلامك <3
bgd I am amazed, I loved it, I loved the use of details that we are all used to and are familiar to all of us to describe something very special to you only, the use of colour mixed with light & feelings.... bgd wahmeya :D
thnx 3alia2 rabnna y5aleeky
إرسال تعليق