عدّاد النور داير عندى
بتفرج على غزّه ..وساكت
داير عدّاد الموت بيهم
مش عايز يهمد ..لو ثانيه
مستنى دموع تنزل منى
مستنى المنظر يألمنى..
ومفيش فايده..
واستنى الساعه...والتانيه
واما استنيت اكتر..
حسيت.....
الشوف فى عنيّا ..بيستعمى
يتدارى الادراك فى سكوتى
وش التمثال حاسس عنّى
وكلامى بيهرب من صوتى
ودراعى..استحلى التكتيفه
واستنى كمان...
واسكت واتفرج على غزّه
وعنيّا على شريط الاخبار..
يمكن بحلم....
يمكن حيقولو خلاص حصحى..
ومفيش الموت ...ومفيش النار
ومفيش الدم اللى بيجرى...
زى الانهار..
لكنّى لقيت...
مكتوب ((عاجل))
عدّاد الموت اللى ف غزّه..
سجل قلبك...
بتفرج على غزّه ..وساكت
داير عدّاد الموت بيهم
مش عايز يهمد ..لو ثانيه
مستنى دموع تنزل منى
مستنى المنظر يألمنى..
ومفيش فايده..
واستنى الساعه...والتانيه
واما استنيت اكتر..
حسيت.....
الشوف فى عنيّا ..بيستعمى
يتدارى الادراك فى سكوتى
وش التمثال حاسس عنّى
وكلامى بيهرب من صوتى
ودراعى..استحلى التكتيفه
واستنى كمان...
واسكت واتفرج على غزّه
وعنيّا على شريط الاخبار..
يمكن بحلم....
يمكن حيقولو خلاص حصحى..
ومفيش الموت ...ومفيش النار
ومفيش الدم اللى بيجرى...
زى الانهار..
لكنّى لقيت...
مكتوب ((عاجل))
عدّاد الموت اللى ف غزّه..
سجل قلبك...
آخر الاموات..
mar3i
هناك 4 تعليقات:
قلب الوطن مجروح لا يحتمل اكتر
نهرب و فين حنروح لما الهموم تكتر
ليك وحشه وربنا يعينك ويقويك
مش قلبك لوحده ..
مش قلبك لوحده يا مرعي هو آخر الأموات ..
مش عارف اقولك حلوة من الماسى اللى احنا عايشين فيها .....
معبرة يا مرعى ....
do2do2.....واحشنى اكتر والله نورت
عبد الرحمن....):...):
رمضان....شكرا يارمضان شده وحتزول ان شاء الله
إرسال تعليق