خريطة قلبى .......

قلبى المتقسم...
بين الحزن...
وبين الخوف....
والوجع اللى مسيطر...
على حته كبيره ..
فى حرفه ..بوضع اليد
مش عارف الاقيلك...
مطرح فيه ...

من بعد ماهاجرت...
منه الفرحه...
والضحكه...
وحاجات...كانت بتدفيه
من بعد مازاد ..الشرخ
الموجود....
بالعرض ...فى سوره

مبقاش فاضل فيه...
من كل حاجاته...الحلوه
غير حاجه كنت مخبيها
وشايلها بعيد....
على جنب...
شوية حب لكل الناس..
بنور بيهم قلبى...
لما الضلمه...
جواه....بتزيد

وساعات بقدر..
اطفش بيهم....
كل الحزن...وكل الخوف..
والوجع اللى مسيطر...
على حته كبيره...
فى حرفه ..بوضع اليد
وبرجع من تانى ...
مبسوط...
ومزقطط....وسعيد

لكن.....
الحب لوحده....
مش دايما قادر...
يهزمهم.....
ويطفشهم.....
عايزِك جنبه...
تساعديه...

ادى خريطة قلبى ....
وادى الكشاف...
اللى بنور بيه....
عاينى الاول ...
قبل ماتاخدى ...
مطرح فيه .

mar3i
2007