بعد التهنئه والف مبروك وسماع لو سألتك انت مصرى وياحبيبتى يا مصر يا مصر يا مصر ووالله وعملوها الرجاله والليله ليلتك يا معلم وغناء الجماهير الحاشده لاووووووووو مصراوى والكلاكسات المتكرره وتوليع البيرسول فى الهواء الطلق او فى وجوه الخلق واستضافة العالم النفيخه من كل الاشكال والالوان لتكرر نفس الكلام الممل من ساعة ما الماتش خلص لحد الصبح ومادام يسرى تطلع تقول الف مبروك على كل القناوات الفضائيه والارضيه المحليه منها والعربيه الشقيقه والاعادات المليونيه لاهداف المنتخب فى غانا ولرقصات زيدان والحضرى فوق وتحت العارضه والرئيس مبارك يرسل تهنئه للكابتن حسن وجهازه الفنى واللاعبين والسيد رئيس الوزراء والوزراء ورؤساء واعضاء المجالس الشعبيه والمحليه ومجلس الشورى يهنئون السيد الرئيس بالفوز العظيم والنصر المبجل على الاسود والافيال ورؤية تفاصيل وجه السيد ابو تريكه ملايين المرات واسعادنا بابتساماته البلهاء وكل الحبشتاكنات اللى ممكن تتخيلها
احب اوجه كام سؤال عالماشى كده.....
*اكيد السيد الرئيس المبارك كما سمعت حيكرم ابطالنا العظماء بجوائز ماليه قيمه وزى مابيقولوا حوالى ماليون جنيه لكل لاعب
......الفلوس دى يا ريس حتبقى تبع ميزانية الدوله يعنى من فلوس الضرايب اللى بندفعها ولا ايه....
اللاعيبه دى مش ناقصه فلوس سيادتك يا ريس اقل واحد فيهم معاه ضعف المكافأه دى عشر مرات.....
*يا ترى اى دوله من الدول الفقيره الغلبانه دى اللى عندها منتخبات قويه هل يا ترى لو خدوا البطوله كانت دولتهم حتديهم مكافئات مليونيه كده .... اللاعيبه دول بيصرفوا على بلدهم او البلد بتكسب منهم مش العكس.....
*عالراديو باليل واحد باعت رساله يقولك ايه...انا نسيت انى مش لاقى شقه اتجوز ولا لاقى شغلانه محترمه اعرف اتجوز بيها ولا انى عندى 33 سنه ولسه معملتش حاجه فى حياتى من كتر الفرحه بمنتخب مصر
يقوم المذيع الحمار ال*** يرد ويقول يا سلاااااااااااااام اد ايه الكوره بتفرح الناس ويارب تكتر مكاسبنا عشان الناس تنسى
وانا معنديش تعليق سوى كلمه واحده بس اولها زى اخرها من 3 حروف
هناك 6 تعليقات:
shtzخلى الناس تفرح يا مرعى ..يعنى الدنيا حارقه دمهم عايز الكوره كمان
بس اللعيبة محترمين .. مش خسارة فيهم الفلوس .. ده كفاية إنهم بقوا الحاجة الوحيدة اللي رافعة راس مصر بره بعد كل الهبوط المستمر ده
والله الملايين دى ممكن ترفع راس البشر اكتر يا عبد الرحمن
ياخى يلعن ابو الكوره اللى حترفع راس مصر لو كانت بالملايين دى اللى من فلوس الضرايب اللى هارينا اعلانات عشان تندفع
وفى الاخر يدوها لشوية لاعيبه معاهم ملايين الملاييييين
أنا أعرف انك متعصب كورة وبتشجع الزمالك بحرقة..... ونقول مرعى فين يقولوا راح مع الرابطة جة مع الرابطة ... رابطة المشجعين ولا ايية؟
يا رمضان انا بحب الزمالك بس برضه لو الدوله كانت هى اللى بتصرف ملايين عالزمالك من فلوس الضرايب كنت حقول نفس الكلام
وانا ولا بروح ولا باجى يا عم انت
طبعا هو الموضوع قديم جدا وانا شوفته 50 مرة بسحبيت ارد المرة دي مش عارف لية
حكاية انه بيروح ورا الزمالك هو بيروح من ماله الخاص مش من الضرايب اللي الدولة بتلمها ثانيا اللعيبة دي مش محتاجة لاي فلوس م اللي هيديهالهم بابا حسني اخيرا بقي طول ما انتم تفكيركم كدة هيفضلوا يحكمونا بالحديد والنار
إرسال تعليق