معرفش ليه تنحت للدنيا كده
فجأه لقيتني مسكون بالملل
لا عندي رغبه في البكا و لا ف الكلام
ولا عاوز انام
ولا حتي بسأل ايه ده ايه
و اخرتها ايه
و ايه العمل
و اخاف اقول لاي حد
لحسن يقوم يقلبها جد
حد صاحبي ينزعج
يمد ايده جوه قلبه من باب الكرم
عشان يشاركني الالم
او يستلفلي من لئيم حبه امل
حاله كده معرفش ايه
حاله كده معرفش ايه
حاله كده معرفش ايه
لامعاها ينفع كلمتين و لا غنوتين و لا لقطه من البوم صور
و الاقي قلبي ف الهوا ويا الكور
اخاف اقول لاي حد
لحسن يقوم يقلبها جد
حاله كده معرفش ايه
حاله كده ملهاش معاد
حاله كده ملهاش معاد
ساعات تزورني ف الربيع
ف الحر و ف عز الشتا
و تجيب حاجات لا فيها روح ولا ميته
لكني برجع منها بعد السكات
فاهم شويه ف اللي فات
حاسس قوي بحزن الصحاب
محظوظ انا
سعات بشاور ينفتحلي الف باب
لكني بغلط ف الحساب
و معرفش ليه
معرفش ليه
ليست هناك تعليقات:
إرسال تعليق